Amerika Birləşmiş Ştatları 50 ştatdan, bir federal dairədən, beş böyük özünüidarə edən ərazidən və müxtəlif mülklərdən ibarət ölkə dir. 9,8 milyon km2 əraziyə malik ABŞ dünyanın həm torpaq, həm də ümumi ərazisinə görə dördüncü böyük ölkəsidir. 331 milyon nəfərdən çox əhalisi olan ABŞ dünyanın ən çox əhaliyə malik üçüncü ölkəsidir. Paytaxtı Vaşinqton, ən çox əhaliyə malik şəhəri Nyu-Yorkdur. Birləşmiş Ştatlar şimalda Kanada və cənubda Meksika ilə quru sərhədlərini bölüşür. Onun Baham adaları, Kuba, Rusiya və digər dövlətlərlə dəniz sərhədləri var.
Amerika Universitetləri
Amerikada təhsil ala biləcəyiniz prestijli universitetlər siyahısına John Hopkins University, Arizona State University, University of California, University of Houston, University of Utah, İllinois İnstitute of Technology, Washington State University, University of Massachussetts Boston və digərləri daxildir.
Amerika universitetlərinin məzunlarına verilən prestijli iş imkanlarına görə, bu ölkənin universitetlərinə bütün dünyada olduğu kimi Azərbaycanda da yüksək tələbat var.
ABŞ universitetləri tələbələrə yüksək keyfiyyətli akademik təhsil verir, eyni zamanda tələbələrin şəxsi inkişafına böyük töhfə verməklə məzunları həyata hazırlayır. ABŞ-da alacağınız təhsil son dərəcə yüksək keyfiyyətli və prestijli bir təhsil olacaqdır. Bu səbəbdən Amerika Universitetlərində aldığınız təhsil bütün dünyada tanınacaq və sizə dünyanın istənilən yerində karyeranızda inamlı addımlarla irəliləmək şansı təqdim edəcək. Amerika Universitetləri akademik standartlarına görə beynəlxalq səviyyədə tanınan, hökumət tərəfindən maliyyələşdirilən təhsil müəssisələridir. Amerika Universitetlərində bakalavr təhsilinizi başa vurduqda siz qabaqcıl dil, ünsiyyət və biznes bacarıqları, eləcə də akademik biliklər əldə edəcəksiniz.
Dünyadakı universitetlərin reytinqlərinə nəzər salsaq, Amerika universitetlərinin birinci yerdə olduğunu müşahidə edə bilərik. Amerika universitetini bitirdiyiniz zaman sizinlə eyni fakültədən məzun olan namizədləri qabaqlayaraq, axtarılan və seçilən namizəd ola bilərsiniz.
Amerika təhsil sistemi dünyanın aparıcı təhsil sistemlərindən biridir və beynəlxalq tələbələr üçün zəngin imkanlar təklif edir. ABŞ-da bakalavr təhsili alan tələbələr bu sahədə nəzəri və tətbiqi biliklər əldə edərək iş həyatına hazır məzun olurlar. ABŞ-da bir universitetdə təhsil almaq sizə dünyanın ən böyük şirkətlərində təcrübə keçmək imkanları da verə bilər. Xüsusilə texnologiya sahəsində lider olan Amerika şirkətlərində təcrübə imkanları ilə yanaşı, məzun olduqdan sonra ABŞ-da qalaraq prestijli karyera planı yaratmaq fürsəti də tapmaq mümkündür. ABŞ-da bakalavr təhsilinizi başa vurduqdan sonra siz ABŞ-da magistr təhsili almaq imkanınızı qiymətləndirə və təhsil həyatınızın istiqamətini müəyyən edə bilərsiniz. ABŞ-da təhsil almaq üçün qeyd olunan yollar mövcuddur: 1) birbaşa 4 illik universitetə müraciət etmək, 2) ABŞ-da Community College kimi tanınan 2 illik universitet proqramlarından birinə müraciət etmək.
Amerika Universitetlərinin Bakalavr Proqramları
ABŞ-da bakalavr təhsili özəl və dövlət universitetlərində verilir. ABŞ-da bakalavr proqramlarının əksəriyyəti 4 tədris ili davam edir. ABŞ-da təhsil alan tələbələr dörd illik bakalavr təhsili müddətində əsas kurslar (major) və seçmə kurslar (minor) keçirlər. Əsas təhsil 4 illik universitetlərin ilk iki ilində verilir. İlk iki ili uğurla başa vurduqdan sonra üçüncü kursa keçən zaman tələbələr oxumaq istədikləri şöbəni seçə bilər. Bu sistem təhsil alan şəxsin özünüzü daha yaxından tanıması və həyatı boyu etmək istədiyi peşəni seçməsi üçün vacibdir. Dörd illik bakalavr təhsilini müvəffəqiyyətlə başa vuran tələbənin təhsil sahəsindən asılı olaraq, Bachelor of Arts (B.A) və ya Bachelor of Science (B.S) diplomu almaq hüququ var.
Amerika Universitetlərinin Magistratura Proqramları
Dünyanın ən böyük və ən müxtəlif ali təhsil sistemlərindən birinə malik olan ABŞ magistratura təhsili üçün geniş imkanlar təklif edir. ABŞ-da magistr dərəcələri beynəlxalq miqyasda tanınmış tədqiqat universitetlərində akademik proqramların və ya top biznes və idarəetmə məktəblərində nüfuzlu peşəkar ixtisasların bir hissəsi ola bilər. ABŞ 900,000-dən çox beynəlxalq tələbə cəlb edir ki, bu da onu əhəmiyyətli fərqlə dünyanın ən populyar xaricdə təhsil istiqamətinə çevirir. Əslində, dünyada mobil(hərəkətdə olan) tələbələrin təxminən 20%-i ABŞ-da təhsil alır - onların çoxu ölkənin beynəlxalq səviyyədə tanınmış magistratura proqramları üzrə təhsil alır.
ABŞ-da Magistraturanın müddəti sözügedən kursun növündən asılı olaraq dəyişir, lakin adətən bir ilə üç il arasında olur. Bir çox akademik kurslar daha geniş magistr proqramlarının bir hissəsidir və müvafiq hallarda PhD səviyyəsində işə davam etmək imkanı var.
ABŞ Magistr dərəcələri üçün təhsil haqları kurslar və institutlar arasında əhəmiyyətli dərəcədə fərqlənir, lakin beynəlxalq tələbələr adətən digər “ştatdankənar” tələbələrdən çox pul ödəmirlər.
Amerika Universitetlərində Şərti Qəbul Proqramı
ABŞ-dakı bəzi universitetlər, ümumiyyətlə yaxşı akademik vəziyyətə malik, lakin ingilis dili biliyi olmayan beynəlxalq tələbələrə şərti qəbulla təhsil almaq imkanı təklif edir. ABŞ universitetlərindən birinə şərti qəbul olunduğunuz halda, tədris ilinin başlamasına qədər ingilis dili biliyinizi müəyyən səviyyədə təmin etməlisiniz.
Amerikadakı universitetlərdək fakültələr
Amerika Universitetləri müxtəlif fakültə seçimləri təklif edir. Təhsilin keyfiyyəti universitetdən universitetə fərqlidir. ABŞ-da seçə biləcəyiniz universitet fakültələrinə aşağıda nəzər sala bilərsiniz;
✓ Mühəndislik
✓ Humanitar elmlər
✓ Kompüter və Riyaziyyat Elmləri
✓ Təhsil və Təlim
✓ Hüquq
✓ Şəxsi Baxım və Fitnes
✓ Memarlıq və İnşaat
✓ Sağlamlıq və Tibb
✓ Tətbiqi və İnstitusional Elmlər
✓ Yaradıcı İncəsənət və Dizayn
✓ Biznes və İdarəetmə Tədqiqatları
ABŞ Universitet Qiymətləri
ABŞ Universitetlərinin qiymətləri universitetə və şöbəyə görə dəyişir. ABŞ Universitetlərinin qiymətləri ildə 13.000 ABŞ dollarından başlayır. Magistr dərəcəsi üçün isə təxmini ödənişlər ildə 20,000 və 30,000 dollar arasındadır.
Amerika Universitetlərində Bakalavr Tələbləri
Ümumilikdə orta məktəbi bitirmə qiymətiniz, seçəcəyiniz bölmə ilə bağlı orta məktəbdə keçdiyiniz bəzi kursların məzmunu və qiymətləri, ingilis dili biliyiniz və sosial nailiyyətləriniz nəzərə alınır. Ümumilikdə orta məktəb məzunu olmaq, orta məktəbdə orta balın 60 və daha yuxarı olması, keçərli ingilis dili biliyi sənədinin (TOEFL, IELTS və s.) olması tələb olunur.
Amerika universitetlərinə müraciət üçün ingilis dili biliyi tələbi
Amerika Universitetlərinə müraciət etmək üçün beynəlxalq səviyyədə etibarlı və müasir test balı (IELTS, TOEFL, PTE ballarından biri ilə) ilə ingilis dili biliyinizi sübut etməlisiniz. Ümumiyyətlə, birbaşa Amerika universitetlərindən qəbul almaq üçün minimum IELTS 6.0, TOEFL 79 və PTE 70 balları tələb olunur. Bəzi Amerika universitetləri SAT test nəticələrini də tələb edə bilər. ABŞ-da qısamüddətli Akademik İngilis dili təhsili verən universitetlər də var. Lakin bu təlimlər yeni başlayanlar üçün deyil, orta səviyyəli tələbələrin başlaya biləcəyi Akademik İngilis dili təlimləridir. Alternativ olaraq Amerika Universitetlərinə müraciət etmək üçün IELTS/TOEFL/PTE imtahan balınız yoxdursa, Amerika dil məktəblərinin təklif etdiyi PATHWAY Proqramlarına müraciət edə, proqramın sonunda isə birbaşa universitetlərə keçid edə bilərsiniz.
Amerika Universitetləri üçün müraciət müddəti və tarixləri
ABŞ-da universitetlərdə təhsil adətən sentyabr və yanvar aylarında başlayır. ABŞ-da təhsil universitet və departamentə görə dəyişsə də, yay aylarında təhsilinizi davam etdirmək istəyirsinizsə, universitetdə kvota olduğu halda iyun ayında da kurslara gedə bilərsiniz. Sentyabr ayında təhsilə başlamağı planlaşdırırsınızsa, müraciətlərinizi əvvəlki dekabr-fevral aylarına qədər tamamlamağınızı tövsiyə edirik. Müraciətlər bu aylarda başa çatır və universitetlər tələbələrin müraciət sənədlərini sonrakı dövrlərdə qiymətləndirir.
Amerika Universitetlərində Təhsil Müddəti və Başlama Tarixləri
Amerikada hər kollec və universitetin öz akademik təqvimi var. Amerika universitetlərində bir tədris ili ümumiyyətlə iki semestrdən ibarətdir. Təlimlər adətən avqust və ya sentyabr aylarında başlayır və may və ya iyun aylarına qədər davam edir.
Amerika Universitetlərinə müraciət üçün tələb olunan sənədlər
Amerika Universitetlərinə müraciətlərdə istifadə olunan sənədlər universitetə və şöbəyə görə fərqli olsa da, demək olar ki, bütün müraciətlərdə aşağıdakı sənədlər təqdim edilməlidir;
1. Passport
2. Şəxsiyyət vəsiqəsi
3. Attestat və ya 11-ci sinifdə oxuyanlar üçün məktəbdən arayış (Magistratura üçün Bakalavr diplomu və ya 4-cü kursda oxuyanlar üçün universitetdən arayış)
4. Transkript (9-10-11-ci sinif qiymətlər cədvəli, magistratura üçün semestrlər ərzində verdiyiniz imtahan nəticələri cədvəli)
5. 2 ədəd referans məktubu
6. IELTS, TOEFL və ya DUOLİNGO sertifikatı
7. Fotoşəkil (5x6 ölçüdə, rəngli, arxa ağ fonda)
Amerika Pathway Proqramları
Universitetdə təhsil almağı planlaşdırdığınız ölkənin dilini və mədəniyyətini öyrənməniz üçün nəzərdə tutulmuş Pathway proqramları ABŞ-da təhsil almaq istəyən beynəlxalq tələbələrin üstünlük verdiyi proqramlardan biridir. ABŞ-da Pathway proqramları sizə universitetlərə keçməyə imkan verən və adaptasiya müddətini qısaltmaqla sizi təhsilinizdə daha uğurlu olmağa hazırlayan keçid proqramlarıdır. Pathway proqramına qəbul edildikdə, universitetlərin dil biliyi tələbini yerinə yetirmiş hesab olunursunuz. Bu proqramlarının müddəti ingilis dili səviyyənizdən asılı olaraq dəyişir. İngilis dilini təməl səviyyədə bilsəniz, Pathway proqramını 48 həftəyə, yaxşı səviyyədə İngilis diliniz varsa, bu proqramı 8 həftəyə tamamlaya bilərsiniz. Proqramın müddəti və başlama tarixləri Pathway proqramında iştirak edəcəyiniz qurumun ingilis dili səviyyəsinə uyğunluq testinin nəticələrinə əsasən müəyyən edilir. EduStart MMC Pathway proqramları təklif edən bir çox təşkilatı təmsil edir.
